“Xutor”da söküntü hazırlıqları ilə bağlı problemlər həll olunmur? - TƏZAD
“Ölkə.Az” xəbər verir ki, bu küçədə piyadalar üçün səkinin nəzərdə tutulmadığı, xüsusilə “Bazarstore” mağazasından “Yeganə” şadlıq sarayına qədər səkinin mövcud olmadığı deyilir.
Həmçinin 4-5 avtobus dayanacaq məntəqəsindən yalnız birində pavilyon olduğu bildirilir.
“Elə dayanacaq məntəqəsi var ki, sərnişinlər avtobusdan demək olar yolun ortasında enir və arxadan gələn maşınlar onlara təhlükə yaradır”, - deyə vətəndaşlardan biri qeyd edir.
Qeyd edək ki, “Xutor” deyilən ərazinin köçürüləcəyi barədə daha əvvəl də müxtəlif açıqlamalar verilib. Qəsəbə sakinləri köçürülmə ilə bağlı olaraq hələ də yol infrastrukturunun yaxşılaşdırılmadığını düşünür.
Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyindən bildirildi ki, problem ilə bağlı icra hakimiyyətinə müraciət edilməlidir.
Binəqədi Rayon İcra Hakimiyyətindən isə bildirildi ki, məsələ araşdırılıb və bununla bağlı aidiyyəti qurum onlar deyil.
Könül
Ölkə.Az
