BNA bu şirkətə 2 milyonluq tender verdi
Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyi (BNA) quraşdırılmış “Ünvanlı yanğın siqnalizasiyası”, “Sulu söndürmə”, “Havalandırma, tüstüsovurma və avtomatika”, “Qarajdaxili naviqasiya” sistemlərində təmir və bərpa işlərinin, BNA-nın əsas inzibati binasının yerləşdiyi ərazidə korroziyaya uğrama səbəbindən sıradan çıxmış “hidrant” su xəttinin yeni plastik borularla əvəz olunması işlərinin, əsas inzibati binasının yerləşdiyi ərazidəki “Düşərgə” binasında yanğın əleyhinə siqnalizasiya sisteminin quraşdırılması işlərinin, qurumun və infrastruktur bölmələrinin yanğından mühafizə sistemərinə illik texniki dəstək xidmətlərinin, yanğınsöndürmə balonlarının təkrar doldurulması işlərinin və agentlik üçün yanğından mühafizə ləvazimatlarının satın alınması ilə bağlı elan etdiyi tenderə yekun vurub.
“Ölkə.Az” xəbər verir ki, tenderin qalibi “Fire Security” MMC olub.
Qalib təşkilatla 1 890,450 min manat məbləğində satınalma müqaviləsi imzalanıb.
Qeyd edək ki, “Fire Security” MMC 08.08.2019-cu ildə dövlət qeydiyyatına alınıb və qanuni təmsilçisi İsmayılov Vüsal Nurəddin oğludur. Nizamnamə kapitalı 1000 amant olan şirkətin hüquqi ünvanı Bakı şəhəri Nizami rayonu, Kamil Balakişiyev, ev 46, m. 55-dir.
Könül
Ölkə.Az
