“AzerGold” 11 milyon manat mənfəət əldə edib

“Ölkə.Az” bu barədə şirkətin açıqladığı yarımilllik hesabatlara istindən xəbər verir.

Belə ki, bu ilin sentyabr-iyun aylarında şirkətin satışdan gəlirləri 48,102 mln manat, satışın maya dəyəri 26,789 mln manat olub. Ümumi mənfəəti 21,312 mln manat olan şirkətin ümumi və inzibati xərcləri 7,559 mln manat, digər əməliyyat xərcləri 66,7 min manat, digər gəlirləri isə 1,077 mln manat təçkil edib.

Faiz xərcləri 400 min manat olan şirkət 3,148 mln manat mənfəət vergisi ödəyib və 2022-ci ilin ilk yarısını 11,215 mln manat xalis mənfəətlə başa vurub.

Həmçinin QSC-nin cəmi aktivləri ilin əvvəli ilə müqayisədə 44,2% artaraq 289,818 mln manat, cəmi öhdəlikləri 10,1% artaraq 45,265 mln manat olub. 

Nizamnamə kapitalı 36,471 mln manat olan “AzerGold” QSC-nin 6 ay ərzində əlavə kapital qoyuluşu 3,2 dəfə artaraq 106,532 manat, bölüşdürülməmiş mənfəəti 13,8% artaraq 101,550 mln manat təşkil edib. Nəticədə, qurumun cəmi kapitalı 53% artaraq cari ilin iyunun 30-na 244,553 mln manata çatıb.

Könül
Ölkə.Az