İqtisadçı: "Rusiyadakı inflyasiya Azərbaycanın ixrac bazarını zəiflədəcək"

Rusiyada rublun məzənnəsində kəskin ucuzlaşma baş verib. Azərbaycan neftinin də qiyməti isə 1,72% və ya 0,93 dollar ucuzlaşaraq 54,02 dollar olub.

Ekspertlər rublun məzənnəsi ilə bağlı daha bədbin praqnozlar verir.

Rusiyada rublun kəskin ucuzlaşmasının və Azərbaycan neftinin də dünya bazarında qiymətinin düşməsinin Azərbaycan iqtisadiyyatına və milli vayutasının məzənnəsinə nə kimi təsiri ola bilər?

Bu sualı keçmiş maliyə naziri, iqtisadçı ekspert Saleh Məmmədov Ölkə.az-da cavablandırıb.

Saleh Məmmədov: "Rusiyada baş verən proseslər təbii ki, Azərbaycana da təsir edir. Neftin qiymətinin dünya bazarında düşməsi ölkə iqtisadiyyatına pis təsir edir. Hesab edək ki, gün ərzində orta hesabla 800 min barel neft istehsal olunur. Neftin ucuzlaşmasına görə gün ərzində Azərbaycan 8 milyon dollar pul itirir. Bu da ölkə iqtisadiyyatına pis təsir edir, ancaq bu o qədər də qorxulu hal deyil. Azərbaycanın valyuta rezervləri var, ticarət balansı normal haldadır. Ölkənin iqtsadiyyatı normal tərzdə qurulub, ciddi bir təsir gözlənilmir.

Rusiyada rublun məzənnəsinin düşməsinə gəldikdə, bu gözlənilən bir prossesdir. Həm neftin, həm rublun qiymətinin düşməsi Avropanın, ABŞ-ın Rusiyaya qarşı qurduğu bir oyundur. Nə vaxta qədər ki, Rusiya ABŞ, Avropa ilə siyasətini stabilləşdirməyəcək, bu prosses Rusiya iqtisadiyyatına çox ciddi təsir edəcək. Rublun məzənnəsinin düşməsi ehtimalı daha böyükdür, nəinki stabilləşməsi.

Rublun məzənnəsinin düşməsinin Azərbycana mənfi təsiri yoxdur. Əksinə müsbət təsiri var. Ona görə ki, Azərbycana gələn Rusiyadan əsasən idxal mallarıdır. İdxal mallarının hamısının da qiyməti düşəcək. Rublun məzənnəsinin aşağı düşməsində Azərbaycana mənfi təsir o ola bilər ki, Azərbaycandan Rusiyaya gedən ixracat mallarının, xüsusi ilə də kənd təsərrüfatı məhsullarından gələn gəlirlər azalar. Bu prosses ixrac bazarını bir qədər zəiflədəcək".

Səxavət Məmməd
Ölkə.az