Açıq bankçılıq qaydalarının müzakirəsinə start verilib - RƏSMİ
2022-ci ilin noyabrında Mərkəzi Bank tərəfindən açıq bankçılıq tətbiqi üzrə yol xəritəsi dərc edilib. Həmin yol xəritəsinə əsasən banklar və fintek nümayəndələri ilə işçi qrupu formalaşdırılıb. Həmçinin ödəniş sistemləri və xidmətləri haqqında qanunda müvafiq dəyişikliklər təqdim olunub.
"Ölkə.Az" xəbər verir ki, bunu Mərkəzi Bankın İnformasiya Texnologiyaları Departamentinin rəhbəri Sahib Həsənov deyib. O bildirib ki, Mərkəzi Bank açıq bankçılıq qaydalarının müzakirəsi və onların qeydiyyatı prosesinə start verib:
"Həmin qaydalar hazır olduqdan sonra işçi qrupu ilə müzakirəyə çıxarılacaq, qanun təsdiq olduqdan sonra həmin qaydalar qeydiyyatdan keçəcək. Növbəti mərhələdə tətbiqetmə planının müəyyən edilməsi və banklarla inteqrasiya prosesinin nəzərə alınması gözlənilir".
"Artıq açıq bankçılıqdan açıq maliyyəyə keçid edirik. Bu zaman yalnız bank məlumatları deyil, sığorta, kapital bazarları, əmlak, ipoteka və s. məlumatların əldə olunması nəzərdə tutulur", - deyə Mərkəzi Bank rəsmisi əlavə edib.
Könül
Ölkə.Az
