Maliyyə Naziriyindən proqram təminatı ilə bağlı 2 milyonluq xərc

Maliyyə Nazirliyinin Dövlət Xəzinədarlığı Agentliyi “yaddaş massivi üçün yeni disklərin alınması və müxtəlif növ proqram təminatlarının lisenziyasının istifadə müddətinin artırılması” və “SAP sistemində müqavilələrin icrasına dair məlumatların mübadiləsinin İSO 20022 standartlarına uyğun olaraq MX formatında aparılması, Mərkəzi Bankın Hökümət Ödəniş Portalı sistemi ilə inteqrasiyası və Xəzinədarlığın İnformasiya İdarəetmə Portalının verilənlər bazasının yenilənməsi” üzrə işlərin və xidmətlərin satın alınması ilə bağlı elan etdiyi 2 tenderə yekun vurub.

“Ölkə.Az”ın məlumatına görə, tenderlərin qalibi “Digitsol” və “Infinitech” MMC-lər olub.

Qalib təşkilatlarla müvafiq olaraq 1 mln 63 min 188 manat və 1 mln 128 min 87 manat məbləğində satınalma müqavilələri imzalanıb.

Könül
Ölkə.Az