Yeni ildə Azərbaycan hotellərinin bayram qiymətləri - SİYAHI

Azərbaycanda Yeni il bayramı ilə bağlı 5 gün iş olmayacaq. Belə ki, 2022-ci il dekabrın 31-i və 2022-ci il yanvarın 1 və 2-i bayram günləri ilə bağlı qeyri-iş günüdür. Tətil günləri şənbə və bazar günlərinə təsadüf etdiyindən yanvarın 3 və 4-ü də qeyri-iş günü hesab olunur.

Elə bu səbəbdən də vətəndaşlar bayramı və istirahət günlərini müxtəlif bölgələrimizdə, xüsusən də hotellərdə keçirməyə can atır. 

“Ölkə.Az” bayram ərəfəsində Azərbaycanın müxtəlif rayonlarında fəaliyyət göstərən bir sıra hotellərin qiymətlərini araşdırıb. Həmin qiymətləri təqdim edirik: 

Quba Palace Hotel

Bayram günlərində 2 günlük gecələmə üzrə dağ mənzərəli 2 nəfərlik delüks nömrələrə 660 AZN, göl mənzərəli 2 nəfərlik delüks nömrələrə 700 AZN ödəniş tələb olunur. “Junior suit” otaqları üçün isə 2 günlük qiymət 740 AZN-dir. 

Qiymətlərə iki dəfə yemək daxildir.

Qalaaltı Hotel & Spa

Dekabrın 31-i və yanvarın 2-i üçün 1 gecəlik qiymət 2 nəfərlik nömrələr üçün 500 AZN-dən başlayır.

Qiymətlərə açıq bufet, əyləncə proqramı, Yeni il şam yeməyi və hovuz xidmətləri daxildir.

Marxal Resort & Spa

Hotel bayram tətili ərəfəsi üçün 2 gecəlik xüsusi qiymətlər müəyyən edib. Belə ki, 2 nəfərlik standart nömrələrin qiyməti 1500 AZN-dən, delüks nömrələrin qiyməti 1700 AZN-dən başlayır.

Xidmətə 3 dəfə qidalanma, “Yeni il Qala gecəsi”ndə iştirak daxildir.

Şamaxı Palace Şaradil Hotel

Hoteldə 2 nəfərlik delüks otaq (dekabrın 31-i, yanvarın 1 və 2-i) 1 gecə üçün 700 AZN-dir. Qiymətə 3 dəfə qidalanma, Yeni il üzrə şənlik proqramı daxildir.

Qafqaz Riverside Hotel

Bayram ərəfəsində hoteldə 2 gecələmə üzrə qiymətlər müəyyən olunub. Belə ki, 2 nəfərlik standart otağın qiyməti 1346 manat, suit otağın qiyməti isə 1466 manat olacaq.

Qiymətlərə gündə 2 dəfə qidalanma, bayram gecəsi üçün nəzərdə tutulmuş qala və şam yeməyi daxildir.

Sakit Göl Hotel

Hotel dekabrın 30-31-i və yanvarın 1-i tarixləri üçün 3 gecə 4 günü əhatə edən proqram nəzərdə tutub. 

Bu zaman 2 nəfərlik delüks otağın (hotel bina otağı-göl mənzərə) qiyməti 1850 AZN, 2 nəfərlik kotec qiyməti 1750 AZN təşkil edir.

Qiymətə səhər yeməyi, qala gecəsində şam yeməyi, SPA xidmətləri, balıqtutma daxildir.

Şahdağ Hotel & Spa

Hotel bayram tətili ərəfəsi üçün 3 gecəlik xüsusi qiymətlər müəyyən edib. Qiymətlər müxtəlif hotellər üzrə 2 nəfərlik nömrələrdə 1230 AZN, 1320 AZN və 1630 AZN-dir. 

Qiymətlərə şam yeməyi, bayram proqramı daxildir.

Şəki Palace Hotel

Hoteldə Yeni il ərəfəsində 2 nəfərlik otaqların qiyməti 2 gecə-3 gün üçün 480 AZN-də başlayır.

Xidmətə səhər yeməyi, nahar, hovuz və SPA xidmətləri, Yeni il proqramı daxildir. 

Xəzər Palace Hotel

Bayram günləri üçün hoteldə 2 nəfərlik standart nömrələr üçün qiymət 150 AZN, delüks nömrələr üçün 180 AZN nəzərdə tutulub. 

Qiymətə səhər yeməyi və hovuz xidmətləri daxildir.

Lankaran Springs Wellness Resort  

Hoteldə 2 gecəlik Yeni il proqramı daxil olmaqla 2 nəfərlik standart nömrə 1500 AZN, Yeni il proqramı daxil olmadan 2 nəfərlik standart nömrə 1280 AZN qiymətlə təklif olunur. 

Qiymətə 3 dəfə qidalanma, SPA xidmətləri  daxildir.

Könül 
Ölkə.az