Ticarət fəaliyyəti ilə bağlı qanun layihəsi hazırlanıb

"Ticarət fəaliyyəti haqqında" Azərbaycan Respublikasının Qanununun ilkin layihəsi hazırlanıb.

"Ölkə.Az" xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli deyib.

O bildirib ki, layihə aidiyyəti qurumlarla razılaşdırıldıqdan sonra Nazirlər Kabinetinə təqdim ediləcək.

Xidmət rəisi həmçinin qeyd edib ki, Elektron Reqabət Portalının yaradılması və digər dövlət qurumlarında tətbiq edilən informasiya sistemləri ilə inteqrasiya edilməsi məqsədilə "Antiinhisar, haqsız rəqabət və istehlakçıların qorunması sahələrində innovativ idarəetmənin temin edilməsi haqqında" Azərbaycan Respublikası Prezidentinin Fərmanının yeni layihəsi hazırlanaraq Nazirlər Kabinetinə təqdim edilib.

Könül
Ölkə.Az