Taksi qiymətlərinin avtobus qiymətlərinə yaxınlaşdığı müzakirə olunur - Xidmət rəisi

Beynəlxalq taksi və çatdırılma şirkətləri yeni texnologiyalarla çalışır və daxil olduqları bazarlarda yeni texnoloji tətbiqlərin yaradılmasına kömək edir.

"Ölkə.Az" xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli deyib.

O bildirib ki,  bu şirkətlərin daha aşağı xidmət haqları ilə işləməsi həmçinin rəqabət mühitinə təsir edir: "Sözügedən şirkətlərin Azərbaycan bazarına daxil olması ilə taksi xidmətləri o qədər ucuzlaşıb ki, bu qiymətlərin avtobus qiymətinə yaxınlaşdığı müzakirə olunur. Bunun mənfi tərəfləri də araşdırılmalı, mütənasiblik aşkar olunmalıdır"

"Bu şirkətlərdə qiymətlərin aşağı olması yaınız maya dəyərinin aşağı olunması ilə bağlı deyil, bu, bazar payının artırıması ilə bağlıdır", - deyə xidmət rəisi əlavə edib. 

Könül
Ölkə.Az