Qiymətlə bağlı tələb ərzaq bazarında qıtlıq yarada bilər - Dövlət Xidməti

Antiinhisar və İstehlak Bazarına Nəzarət Dövlət Xidməti qiymət artımının daha çox müşahidə olunduğu qida sahəsində yoxlamalar aparır. 

"Ölkə.Az" xəbər verir ki, bunu Xidmətin rəisi Məmməd Abbasbəyli süni qiymət artımı haqqında danışarkən deyib.

O bildirib ki, bu monitorinqlər gündəlik, həftəlik olaraq aparılır:

"Məqsəd hər bir sahibkara qiymət diqtə etmək deyil. Çünki qurumun sahibkarlara qiymət endirməyi tələb etmək səlahiyyəti yoxdur".

M. Abbasbəyli qida məhsulları üçün maksimum qiymətin müəyyən olsunmasının doğru fikir olmadığını bildirib. "Tavan qiymətinin tətbiq olunması qıtlığa səbəb olur. Xidmətin rolu qeyri-adi qiymət oynamalarını aşkar etməkdir. Ümumilikdə isə bazarın formalaşdırdığı qiymətlərə müdaxilə etmək düzgün deyil".

Könül
Ölkə.Az