Bankın 400 min manatlıq əmlakı satışa çıxarılır
Cari ilin fevralın 9-da saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “Texnikabank” ASC-nin balansındakı daşınmaz əmlak açıq hərraca çıxarılacaq.
"Ölkə.Az" xəbər verir ki, daşınmaz əmlak Gəncə şəhəri, Nizami rayonu, M.Abbas Abbaszadə küçəsi 72 ünvanında istifadədə olan 0,0119 ha torpaq sahəsində yerləşən (ü/s 179,5 kv.m) qeyri-yaşayış sahəsidir.
Daşınmaz əmlakın ilkin satış qiyməti 390000 manat təşkil edir.
Satış qiymətinin 5%-i həcmində beh hərrac təşkilatına, alış qiyməti isə 7 təqvim günü ərzində sifarişçinin hesabına ödənilməlidir.
