Dollar rekord qırdı

Türkiyə lirəsi bu gün dollar qarşısında kəskin ucuzlaşıb, hətta bir sıra yerlərdə 3 lirədən də artıq olub. Proqnozlara əsasən ilin sonuna qədər lirənin məzənnəsi dollar qarşısında daha da aşağı düşə bilər. Türkiyə Mərkəzi Bankının məlumatına görə həftənin əvvəlində 1 dollar 2.84 lirə təşkil edirdisə bu gün 1 dollar 3 lirəyə qədər qalxdı.

İqtisadçi Vüqar Bayramovun sözlərinə görə əgər Türkiyə hökuməti ölkə ərazisində siyasi və iqtisadi sabitliyi təmin etməsə ilin sonuna qədər 1 dollar 3.5 lirəyə qədər qalxa bilər. Lirənin məzənnəsində enmə iyul ayından etibarən daha çox hiss olunmağa başlayib və 17 faizə qədər dəyərini itirib. Türkiyənin milli valyutasının ucuzlaşması son bir ayda ölkə ərazisində yaşanan qeyri -stabil vəziyyət, PPK ilə mübarizə , hökümət seçkilərinin baş tutmaması və digər amillərlə bağlıdır.

Dollardan fərqli olaraq lirə avro qarşısında bahalaşır.Rəsmi məlumata əsasən həftənin ilk günündə 1 avro 3.16 lirəyə bərabər idisə bu gün 1 avro 3.20 lirəyə dəyişdirilir.

Azərbaycan manatına nisbətdə isə lirə ucuzlaşır. Mərkəzi Bankın açıqladığı rəsmi məzənnəyə əsasən bu gün 1 türk lirəsi 35 qəpiyə bərabər olub.
Ekspertin sözlərinə görə lirənin ucuzlaşması Türkiyədən ölkəmizə gətrilən məhsulların qiymətində nəzərə çarpacaq. Bu da Türkiyədən idxal olunan malların çoxalmasına gətirib çıxaracaq.

Ümumiyyətlə hazırda Qazaxıstanda tenqenin devalvasiyası , Rusiyada rublun , Gürcüstandalarinin düşməsi həmin ölkələrin ixracı artırmaq istəyi ilə bağlıdır. Belə davam edərsə dollar dünyada xüsusilə bu ölkələrdə öz mövqeyini daha da möhkəmləndirəcək. (ans)

Ölkə.Az