Mərkəzi Bankın xəbərdarlığına baxmayaraq kommersiya bankları dollar satışını dayandırdı

Ölkə.az xəbər verir ki, dünəndən başlayaraq Bakı şəhərindəki səhmdar kommersiya banklarına aid valyutadəyişmə məntəqələrində dollar satışı dayandırılıb.

Valyutadəyişmə məntəqələri önündə növbədə dayanmış vətəndaşlara isə əməkdaşlar heç bir məlumat verməyiblər.

Xatırladırıq ki, Mərkəzi Bank bu yaxınlarda bəyanat yayaraq dollar satışında heç bir məhdudiyyət olmayacağını və xarici valyuta ilə istənilən əməliyyatın banklar tərəfindən keçirilməsinə heç bir məhdudiyyət qoyulmadığını bildirmişdi. Ancaq bunun əksinə olaraq dünən və bu gün şəhərin bütün valyutadəyişmə məntəqələrində manat alışını səbəbsiz olaraq dayandırıblar.

Bu gün xarici valyuta əldə etmək istəyən vətəndaş və iş adamlarına məntəqələrdə və kommersiya banklarında dollar olmadığını bildiriblər.

Buradan belə nəticə çıxarmaq olar ki, kommersiya bankları Mərkəzi Bankın qərarlarını saymır və qəbul etdiyi qərarları qulaqardına vurur.

Ölkə.az