“AzSığorta”da 2 milyon manat ZƏRƏR

“AzSığorta” ASC 2022-ci ilin yekunları üzrə maliyyə hesabatını açıqlayıb.

“Ölkə.Az”ın məlumatına görə, sözügedən dövrə sığorta şirkətinin cəmi aktivləri 34,578 mln manat olub ki, bu da hesabat ilinin əvvəli ilə müqayisədə 9,2% azdır. 

“AzSığorta”nın cəmi öhdəlikləri 6,2% azalaraq ötən ilin sonunda 19,021 mln manat olub. 

Ötən il nizamnamə kapitalı 14,007 mln manat olan sığorta şirkətinin bölüşdürülməmiş mənfəəti 2,5 dəfə azalaraq 1,550 mln manat təşkil edib. Nəticədə, şirkətin cəmi kapitalı 15,557 mln manat olub ki, bu da illik müqayisədə 12,6% azdır.

Ötən ilin yekununda “AzSığorta” ASC-nin cəmi gəlirləri 14,526 mln manat, cəmi xərcləri 17,054 mln manat təşkil edib. Zərəri 2,528 mln manat olan şirkət 527 min manat mənfəət vergisini geri qaytarıb və nəticədə ötən ili 2,001 mln manat xalis zərərlə başa vurub.

Qeyd edək ki, “AzSığorta” ASC-nin səhmləri 100% Hikmət Abuzər oğlu İsmayılova məxsusdur.

Könül
Ölkə.Az