İlk 2 ayda paytaxt restoranları 150 milyon qazanc əldə edib
Bu ilin yanvar-fevral aylarında Bakıda ictimai iaşə dövriyyəsinin həcmi 148,3 milyon manat olub.
“Ölkə.Az” Bakı şəhər Statistika İdarəsinə istinadən xəbər verir ki, bu, 2022-ci ilin müvafiq dövrü ilə müqayisədə real ifadədə 30,1% artım deməkdir.
Məlumata görə, hüquqi şəxslər tərəfindən ictimai iaşə dövriyyəsi 126,1 milyon manat olub ki, bu da, ümumi dövriyyənin 85%-ini təşkil edib.