Bakı əczaxanalarında dərman qıtlığı

Dərman qiymətləri sabitliyini itirib, bu səbəbdən də paytaxt əczaxanalarında qıtlıq müşahidə edilir.

Ölkə.Az xəbər verir ki, bu barədə “Sputnik Azərbaycan”a yerli farmaseptik firmalarından birinin rəhbəri Fərid Hüseynov bildirib.

Ekspert qeyd edib ki, xaricdən mal alan təchizatçılar, dolların məzənnəsinin artdığı üçün sərfəli olmayan şərtlərdə işləmək istəmirlər.

Hüseynovun sözlərinə görə, bu preparatlar satışa sentyabrın 15-dən sonra yeni qiymətlərlə çıxarılacaq.

“Dərman preparatlarının əsas hissəsi ölkəyə Avropa şirkətləri tərəfindən gətirilir, ödəniş isə dollar ilə edilir. Əvvəllər, məsələn, 1 dollara alınan dərmanlar indi 1,35 dollara alınır”, - agentliyin həmsöhbəti izah edib.

Azərbaycanın Səhiyyə Nazirliyi öz növbəsində, dövlət qiymət tənzimlənməsinin tətbiqindən sonra dərman qıtlığının qarşısını almağa çalışır, “Sputnik Azərbaycan”a nazirliyin mətbuat xidmətindən bildiriblər.

“Nazir Oqtay Şirəliyev dərman preparatlarının mümkün qıtlığının qarşısını almaq üçün tədbirlər planını realizə etmək barədə göstəriş verib. Kollegiya bu yaxınlarda keçirilən iclasda dərman preparatları ilə təminatı yaxşılaşdırmaq və farmaseptik fəaliyyət sahəsində nəzarəti gücləndirmək üçün tədbirlər planını təsdiqləyib”, - agentliyin həmsöhbəti bildirib.

Ölkə.Az