Almatıda SPECA ölkələrinin nəqliyyat infrastrukturu müzakirə ediləcək

Sentyabrın 10-11-də BMT-nin Mərkəzi Asiya İqtisadiyyatları üçün Xüsusi Proqramının (SPECA) Nəqliyyat və sərhəd keçid məsələləri üzrə Layihə İşçi Qrupunun 20-ci iclası keçiriləcək.

Bu barədə Ölkə.Az-a Nəqliyyat Nazirliyindən bildirilib.

Qazaxıstanın Almatı şəhərində keçiriləcək iclas zamanı SPECA ölkələrində nəqliyyat və infrastrukturun inkişafı üçün həyata keçirilən layihə və təşəbbüslər, bu istiqamətdə dövlət-özəl tərəfdaşlığı, SPECA üzv dövlətlərdən əldə ediləcək məlumatlar əsasında nəqliyyat və sərhəd keçid msələləri sahəsində məlumat bazasının yenilənməsi müzakirə ediləcək.

Bundan başqa, BMT-nin nəqliyyat və gömrük məsələləri ilə bağlı sazişlərinə qoşulma, onların yerinə yetirilməsi, habelə regionda nəqliyyat dəhlizlərinin və şəbəkələrinin inkişafı ətrafında fikir mübadiləsinin aparılması nəzərdə tutulur.

Qeyd edək ki, tədbirdə Nəqliyyat Nazirliyinin və Dövlət Gömrük Komitəsinin nümayəndələri də iştirak edəcəklər.

Ölkə.Az