Neft sürətli ucuzlaşmanın ardından yenidən bahalaşır
"Ölkə.Az" xəbər verir ki, buna səbəb ABŞ-da xam neft və yanacaq ehtiyatlarının azalması ilə bağlı açıqlanan rəqəmlər olub.
"Brent" markalı neft 0,3 dollar və ya 0,4% bahalaşaraq bir barel üçün 81,07 dollar olub. ABŞ-ın Qərbi Texas (WTI) neftinin qiyməti isə 0,39 dollar və ya 0,5% artaraq 77,46 dollar/barel təşkil edib.
Amerika Neft İnstitutunun (API) açıqladığı rəqəmlərə əsasən, ABŞ-ın xam neft ehtiyatları aprelin 21-də bitən həftədə təqribən 6,1 milyon barel azalıb. Analitiklər isə xam neft ehtiyatlarının 1,5 milyon barel azalacağını gözləyirdilər.
API-nin verdiyi məlumata görə, benzin ehtiyatları ötən həftə 1,9 milyon barel azalıb, distillə ehtiyatları isə 1,7 milyon barel artıb.
Xatırladaq ki, çərşənbə axşamı neft qiymətləri 2%-dən çox azalmışdı.
Könül
Ölkə.Az
