TAP layihəsində yeni şirkət
"Enagas" şirkəti TAP layihəsində 16% paya sahib olub. "Fluxys" şirkəti isə TAP layihəsi üzrə öz payını 16%-dən 19%-ə çatdırıb
Bu dəyişikliyin səbəbi "Enagas" və "Fluxys" şirkətlərinin bu yaxınlarda E.ON (9%) və "Total" (10%) şirkətlərinə məxsus payları almasıdır. Hazırda TAP layihəsi üzrə ARDNŞ (20%), bp (20%), "Statoil" (20%), "Fluxys" (19%), "Enagas" (16%) və "Axpo" (5%) pay bölgüsünə sahibdir.
TAP layihəsinin icraçı direktoru Kjetil Tunqland bildirib ki, biz həmişə yeni strateji əməkdaşlara açıq olub. "Enagas" şirkətinin TAP layihəsinə qoşulmasından şadam. Bu, bizim mühüm layihənin inkişafı üçün istehsalçıları, neft-qaz nəqliyyat ilə məşğul olan şirkətləri və təbii qaz alıcılarını bir yerə toplayan uğurlu müştərək müəssisə modelimizi davam etdirəcək. "Enagas" Avropa və Cənubi Amerikada uzun müddət mühüm infrastrukturlara investisiya qoyan əsas təbii qaz şirkətidir. Bu şirkət əsl Avropa layihəsi kimi TAP layihəsinin strateji mövqeyini yüksəldəcək və yeni təbii qaz mənbəyini qitənin enerji bazarlarına çıxaracaq.
"Enagas" TAP layihəsində
"Fluxys" şirkəti isə TAP layihəsi üzrə öz payını 16%-dən 19%-ə çatdırıb
TAP AG İdarə Heyətinin sədri Endi Leyn deyib ki, 2015-ci ilin əvvəllərindən Albaniyada yolların və körpülərin inşası ilə növbəti vacib mərhələyə qədəm qoyacağıq. Həmçinin E.ON və "Total" şirkətlərinə TAP layihəsinin inkişafında verdikləri töhfəyə görə təşəkkür edir, eləcə də "Enagas"ı TAP-ın yeni pay sahibi kimi təbrik edirik."
Xatırladaq ki, TAP layihəsinin köməyi ilə təbii qaz Azərbaycanın nəhəng "Şahdəniz-2" yatağından Avropaya nəql olunacaq. Təqribən 870 kilometr uzunluğunda olan boru kəməri Yunanıstan-Türkiyə sərhəddində - Kipoda Trans-Anadolu boru kəmərinə (TANAP) birləşəcək. Buradan da Yunanıstan, Albaniya və Aralıq dənizindən keçərək İtaliyanın cənubuna çatacaq.
TAP layihəsi Bolqarıstan, Albaniya, Bosniya və Hersoqovina, Çernoqoriya, Xorvatiya və başqa Cənub-şərqi Avropa ölkələrinə təbii qaz nəqlini asanlaşdıracaq. TAP boru kəmərinin İtaliyaya çatması Xəzər təbii qazının Almaniya, Fransa, Britaniya, İsveçrə və Avstriya kimi ən böyük Avropa bazarlarına çıxışını təmin edəcək.
TAP layihəsi marşrut boyunca iqtisadi inkişafa və yeni iş yerlərinin açılmasına kömək edəcək. Birbaşa xarici investisiyalar üçün əsas mənbə olan bu layihə heç bir qrant və maddi yardımlardan asılı deyil. Təbii qaz ilk dəfə 2018-ci ilin sonlarında Gürcüstan və Türkiyəyə satılacaq. Avropaya isə ilk təbii qaz nəqli təxminən bir il sonra olacaq.
Ölkə.Az
