Azərbaycana ən çox sərmayə yatıran

2015-ci ilin yanvar-iyul aylarında xarici mənbələrdən əsas kapitala 3 milyard 874,5 milyon manat vəsait yönəldilib.

Bu barədə Ölkə.Az-a Dövlət Statistika Komitəsindən (DSK) bildirilib.

Xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 3 milyard 337 milyon manatı (86,1%-i) Böyük Britaniya, Türkiyə, Norveç, Rusiya, İran, ABŞ, Yaponiya və İsveç sərmayədarlarına məxsus olub.

Qeyd edək ki, 2015-ci ilin 7 ayında Böyük Britaniya Azərbaycana 1 milyard 231 milyon 516 min manat, Türkiyə təxminən 549 milyon manat, Norveç 408 milyon manat sərmayə yatırıb.

Xatırladaq ki, anoloji dövrdə Rusiya və İran Azərbaycana təxminən eyni həcmdə 262 milyon manat sərmayə qoyub.

Ölkə.Az