“Azərişıq” infrastrukturu yeniləyir

“Azərişıq” ASC Azərbaycanın şimal -qərb regionunda yenidənqurma işlərinə başlayıb.

Bu barədə Ölkə.Az-a qurumdan bildirilib.

Qurum şimal-qərb regionuna (Şamaxı, İsmayıllı, Qəbələ, Oğuz, Şəki, Qax, Zaqatala, Balakən rayonları) daxil olan rayonlarda kabel xəttlərini yeniləri ilə təchiz edib.

Bundan əlavə, 3 mindən çox istismar müddətini keçmiş qüsurlu sayğaclar dəyişdirilib, 7500-ə yaxın istehlakçının elektrik sayğacının dövrəsi yoxlanılaraq yenidən möhürlənib.

Qeyd edək ki, Şimal-Qərb regionu respublikamızın 749 900 nəfər əhalinin yaşadığı, 12.700 min kvadrat km. ərazini əhatə edən, 14.386 km ötürücü elektrik verilişi xəttinə malik bir bölgəsidir.

Qurum bildirib ki, hazırda istehlakçıları fasiləsiz və dayanıqlı elektrik enerjisi ilə təmin etmək üçün regionda təmir, quraşdırma və yenidənqurma işləri davam etdirilir.

Ölkə.Az