Daha bir yolda təmir işləri yekunlaşır

Vətəndaşların rahat və təhlükəsiz yollardan istifadə etməsi ölkə başçısı İlham Əliyevin daim diqqət yetirdiyi məsələlərdən biridir. Məhz buna görə də Nəqliyyat naziri Ziya Məmmədovun nəzarəti altında “Azəryolservis” ASC rəhbərliyi bu istiqamətdə kompleks tədbirlərin keçirilməsin üçün tabeliyində olan qurumlara tapşırıqlar verib. Artıq bir müddətdir ki, bu çərçivədə istər paytaxt bakıda, istərsə də regionlarda xeyli iş görülüb və davam etdirilməkdədir

ASC-dən Ölkə.Az-a daxil olan məlumata görə, uzun müddətdir ki, təmir olunmadığı üçün yolun hərəkət hissəsi sıradan çıxan Bakı-Şamaxı-Yevlax avtomobil yolunun 160-172-ci kilometrlik hissəsində aparılan cari təmir işləri yekunlaşmaq üzrədir.

Sözügedən ərazidə yolun hərəkət hissəsi yeni asfalt-beton örtüyünün döşənməsi üçün hazır vəziyyətə gətirilib.

Bundan sonra yolun ümumilikdə 13 min kvadrat metr sahəsinə yeni asflat-beton örtüyü döşənib. Aparılan təmir işləri zamanı hərəkət hissəsinin eni 7,5 metr olan yolun çiyinlərində də bərkidilmə aparılır.

 Ölkə.Az