“Azərlotoreya” oyunlardan 41 milyon qazanc əldə etdi

“Azərlotoreya” ASC-nin xalis mənfəəti kəskin artıb.

“Ölkə.Az”ın məlumatına görə, şirkət ötən ilin yekununda 41,099 mln manat xalis mənfəət əldə edib ki, bu da 2021-ci ilin yekunu ilə müqayisədə 5,4 dəfə çoxdur.

2022-ci ilin yekununda “Azərlotoreya” ASC-nin gəlirləri 258,164 mln manat, satışınlın maya dəyəri 136,006 mln manat təşkil edib. 54,351 mln manat sadələşdirilmiş vergi ödəyən şirkətin ümumi mənfəəti 54,351 mln manat olub. 

Reklam və marketinq xərclərini 11 mln manat və ya 13 dəfə artıraraq 11,866 mln manata, inzibati xərclərini 2,6 dəfə artıraraq 15,443 mln manata çatdırıb və digər əməliyyat gəliri 147,446 min manat olub. Əməliyyat mənfəəti 40,645 mln manat olan “Azərlotoreya”nın xalis maliyyə gəlirləri 785,793 min manat təşkil edib. Mənfəətindən 332,011 min manat vergi ödəyən şirkət ötən ili 41,099 mln manat xalis mənfəətlə başa vurub.

Şirkətin aktivləri illik müqayisədə 2,8 dəfə artaraq 87,685 mln manat, öhdəlikləri 3,2 dəfə artaraq 71,836 mln manat, cəmi kapitalı isə 1,6 dəfə artaraq 15,849 mln manata yüksəlib.

Qeyd edək ki, 2021-ci il fevralın 27-də imzalanan müqavilə ilə İqtisadiyyat Nazirliyinin təsisçisi olduğu “Azərlotereya” ASC Türkiyənin “Demirören Şans Oyunları Yatırımları A.Ş.” şirkətinin törəmə müəssisəsi olan “YMT Sans B.V.” şirkətinə 10+5 illik müddətə idarəetməyə verilib.

Könül
Ölkə.Az