Azərbaycanda 14 milyon manatlıq “Mazda” satılıb

Azərbaycanda “Mazda” avtomobillərinin rəsmi idxalçısı “Rotary Motors” MMC-nin gəlirləri və mənfəəti məlum olub.

“Ölkə.Az”ın məlumatına görə, ötən il şirkətin avtomobil satışından gəlirləri 14,433 mln manat, avtomobil hissələrinin satışından gəlirləri 4,519 mln manat, xidmət üzrə gəlirləri 2,844 mln manat təşkil edib.

Ümumi gəlirləri 19,482 mln manat olan şirkətin satışının maya dəyəri avtomobillər üzrə 10,498 mln manat, avtomobil hissələri üzrə 3,860 mln manat, xidmət üzrə 537,581 min manat təşkil edib və nəticədə ümumi mənfəəti 4,586 mln manat olub.

Əməliyyat xərcləri 1,807 mln manat təşkil edən olan “Rotary Motors” MMC-nin əməliyyat mənfəəti 2,183 mln manat, əmlak vergisi və amortizasiya xərcləri 30,954 min manat olub.  426,596 min manat mənfəət vergisi ödəyən şirkət ötən ili 1,591 mln manat xalis mənfəətlə başa vurub.

Ötən ilin yekununda “Rotary Motors” MMC-nin cəmi aktivləri 8,902 mln manat, cəmi öhdəlikləri 1,581 mln manat, cəmi kapitalı 7,322 mln manat təşkil edib.

Könül
Ölkə.Az