Kabusa çevrilən Hövsan yolunda nə vaxta qədər ölüm olacaq? – AÇIQLAMA

Maraqlıdır ki, həmin yolda işıqlandırma probleminin olması ilə bağlı tez-tez şikayətlər edilir, qəzaların məhz bu səbəbdən baş verdiyi deyilir. Sonuncu dəfə isə işıqlandırmanın mayın 28-də bir ailənin üç üzvünün ölümü ilə nəticələnən qəzadan sonra bərpa edildiyi bildirilmişdi.

Cari ilin əvvəlində isə Azərbaycan Avtomobil Yolları Dövlət Agentliyi həmin yolda təmirdən sonra yeni işıqlandırma sisteminin qurulduğunu demişdi. Yeni sistemin qurulmasından sonra işıqlandırmada problemlərin yaranmasının səbəbi isə xüsusilə maraq doğurur.

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli “Ölkə.Az”a açıqlamasında bildirdi ki, həmin yolun işıqlandırmasında hər hansı problem yoxdur:

“Orada axşam və gecə saatları boyunca işıqlar yanır. Ola bilər ki, hər hansı texniki, qısamüddətli problem yaransın. Lakin bir işıq dirəyində belə, gecə ərzində problem olduqda səhər saatlarında həmin problem aradan qaldırılır”. 

Son günlərdə də həmin yolun işıqlandırılmasında problem olmayıb. Hər hansı ərazidə texniki səbəblərdən işıqların qısamüddətli yanmaması ola bilər ki, bu da normaldır”, - deyə qurum nümayəndəsi əlavə edib.

Şikayətlərə və rəsmi açıqlamaya insansaq sözügedən qəzaların yalnız “texniki problemlər” zamanı baş verdiyini demək olar. 

Könül
Ölkə.Az