Vergi ödəyiciləri daha təkmil elektron xidmətlərdən yararlanacaqlar

Yaxın zamanlarda vergi ödəyiciləri daha təkmil elektron xidmətlərdən yararlanacaqlar.

Bu barədə Ölkə.Az-a Vergilər Nazirliyinin mətbuat xidmətindən bildirilib.

Məlumata görə, indi istifadə olunan “ASAN imza” və “E-imza” vahid bir qurğuda birləşdiriləcək və eyni sertifikatda həm mobil, həm də kart vasitəsi ilə elektron “Asan İD” kart imzanın tətbiqinə başlanılacaq.

Eyni zamanda, kameral yoxlamaların da tam avtomatlaşdırılması prosesi başa çatmaq üzrədir. Gələcəkdə vergi ödəyiciləri və vətəndaşlara göstərilən elektron xidmətlərin keyfiyyətinin yüksəldilməsi üçün yeni layihələr həyata keçiriləcək. Nazirliyin bu istiqamətdə gördüyü işlər davamlı xarakter daşıyacaq.

Ölkə.Az