“Azərsu” milyonluq layihəni 1 illik şirkətə həvalə etdi
“Azərsu” ASC Şamaxı şəhərinin su təchizatı şəbəkəsinin texnoloji proseslərinə dispeçer nəzarəti və optimallaşdırılması üçün SCADA sisteminə inteqrasiyası işlərinin satın alınması ilə bağlı elan etdiyi açıq tenderə yekun vurub.
“Ölkə.Az” xəbər verir ki, tenderin qalibi “Statcontrol” MMC olub.
Qalib təşkilatla 999,111 min manat məbləğində satınalma müqaviləsi imzalanıb.
Qeyd edək ki, “Statcontrol” MMC 16.05.2022 tarixində dövlət qeydiyyatına alınıb və qanuni təmsilçisi İskəndər Şirvanskiy İlqar oğludur. Nizamnamə kapitalı 510,2 manat olan şirkətin hüquqi ünvanı Bakı şəhəri Sabunçu rayonu, Bakıxanov ştq, Yavər Əliyev (Bakıxanovq qəs.), ev 26, m. 1-dir.
Könül
Ölkə.Az
