Bank əmanətlərinin həcmi azaldı
2015-ci il avqustun 1-nə olan məlumata görə, fiziki şəxslərin bank əmanətlərinin həcmi 7 milyard 605,1 milyon manat olub.
Bu da 2015-ci ilin iyulun 1-nə olan göstəricidən 48,5 milyon manat azdır.
Bu barədə Ölkə.Az-a Azərbaycan Mərkəzi Bankından (AMB) bildirilib.
Bundan başqa, AMB bildirib ki, hazırda əmanətlərin həcmi 2015-ci ilin yanvarın 1-i ilə müqayisədə 417 milyon manat, keçən ilin analoji dövrü ilə müqayisədə isə 665 milyon manat artıb.
Qeyd edək ki, fiziki şəxslərin bank əmanətlərinin milli valyuta və xarici valyuta ilə olan həcmində azalmalar müşahidə olunub:
Belə ki, əmanətlərin 2 milyard 138,7 milyon manatı (28,1%-i) milli valyutada, 5 milyard 466,4 milyon manatı (71,9%-i) isə xarici valyuta ilə saxlanılıb.
Manat əmanətləri 41,2 milyon manat, xarici valyutada olan əmanətlər isə 7,2 milyon manat azalıb.
Ölkə.Az
