Banklar kreditlərdə yeni fırıldaqçılığa əl atır - EKSPERTDƏN İDDİA

"Ölkə.Az" xəbər verir ki, bu barədə hüquqşünas ekspert Əkrəm Həsənov danışıb. O bildirib ki, banka borcunuzu ödədikdən sonra 3 il (bankın sizə qarşı iddia müddəti) ötsə belə, ödəniş sənədlərini atmayın:

"Yaxud  bankdan sizə qarşı tələbinin olmaması (borcunuzun bağlandığı) barədə arayış alın. "ASAN Xidmət"ə gedərək Kredit bürosundan kredit tarixçənizi də alıb yoxlayın ki, bank həqiqətən ödənişlərinizi borcunuzun bağlanmasına yönəldib".

Hüquqşünas ekspertin sözlərinə görə, borcun ödənilməsi ilə bağlı təsdiqedici sənəd olmadıqda barənizdə cinayət işi açıla bilər:

"Bir də gördünüz ki, sizi bir hüquq-mühafizə orqanına çağırıb dedilər ki, 10 il əvvəl filan banka borcunuz olub ödəməmisiz. Siz də cavab verirsiniz ki, ödəmişəm. Müstəntiq təsdiqedici sənəd tələb edir. Deyirsiniz ki, tullamışam, bankın tələbi var idisə, 3 il ərzində məhkəməyə müraciət edə bilərdi. Müstəntiq də deyir ki, xeyr, ödəməmisiz, sənədiniz də yoxdur, bank da ona görə iddia qaldırmayıb ki, onun hansısa işçisi ilə sövdələşmisiz, "şapka" vermisiz və s. Ya borcu ödəyin, ya da barənizdə cinayət işi açılacaq".

Könül
Ölkə.Az