Azərbaycanda aviabilet qiymətləri artıb
Bu ilin avqust ayında əhaliyə göstərilmiş ödənişli xidmətlər üzrə istehlak qiymətləri indeksi iyula nisbətən 100,1%, 2022-ci ilin avqust ayına nisbətən 108,9% təşkil edib.
"Ölkə.Az" bu barədə Dövlət Statistika Komitəsinə istinadən xəbər verir.
Məlumata görə, avqust ayında əvvəlki ayla müqayisədə əhaliyə göstərilmiş ödənişli xidmətlərdən bahalaşma əsasən mənzillərin icarə haqlarında və hava nəqliyyatı ilə beynəlxalq sərnişindaşıma xidmətlərinin qiymətlərində müşahidə olunub.
Digər ödənişli xidmətlərin qiymətlərində ciddi dəyişikliklər baş verməyib.
