Bakıda qəribə mənzil: dəyərindən 10 dəfə baha satılır
Yerli əmlak satışı portallarının birində yerləşdirilən mənzil elanı təəccüb doğurub.
“Ölkə.Az” xəbər verir ki, 147 kv. m sahəsi olan 3 otaqlı mənzil 16 mərtəbəli binanın 13-cü mərtəbəsində yerləşir. Nəsimi rayonunda yer alan mənzilin satış qiyməti 2,55 mln manat qeyd olunub.
Qəribə məqam isə odur ki, yerləşdiyi ünvan və təmirinə görə xüsusi üstünlüyü olmayan mənzil dəyərindən 10 dəfəyə qədər baha satılır.
Rəqəmlərdə xətaya yol verilməsi də ehtimallar arasında olsa da, elan sayta dərc olunmamışdan öncə adminlər tərəfindən yoxlanılır. Həmçinin kvadratmetrinə görə yazılan qiyməti hesabladıqda, ümumi rəqəm təklif edilən məbləği göstərir.
