Bu il istilik mövsümü erkən başlaya bilər?

Oktyabrın 8-dən etibarən ölkə ərazisində qeyri-sabit hava şəraiti davam edir. Belə ki, havanın temperaturu ötən günlərlə müqayisədə 5-10° aşağı enib, bəzi dağlıq ərazilərə qar yağıb.

Bu isə soyuq havaların davam edəcəyi təqdirdə istilik mövsümünün erkən başlayacağı ilə bağlı sualları gündəmə gətirib.

“Azəristiliktəchizat” ASC-nin mətbuat katibi Elvin Basqallı “Ölkə.Az”a açıqlamasında bildirdi ki, qurumun fəaliyyətinin səmərəliliyinin artırılması, gəlir və xərclərinin optimallaşdırılması, istilik və isti su təchizatı xidmətlərinin sayğaclaşdırılması, istilik təchizatı sistemlərinin bərpası və dayanıqlı istiliklə təmin edilməsi ilə bağlı Azərbaycan Respublikası Nazirlər Kabinetinin sərəncamı ilə təsdiq edilmiş Tədbirlər Planına əsasən, Energetika Nazirliyi, Ekologiya və Təbii Sərvətlər Nazirliyi, Dövlət Şəhərsalma və Arxitektura Komitəsi, İqtisadiyyat Nazirliyi və “Azəristiliktəchizat” ASC-yə Azərbaycan Respublikasının iqlim xüsusiyyətləri nəzərə alınmaqla istilik mövsümünün başlaması və bitməsi ilə bağlı təkliflərin hazırlanmasına dair tapşırıqlar verib və hazırda qeyd olunan qurumlar tərəfindın işlər aparılır.

Qeyd edək ki, Azərbaycanda istilik mövsümü noyabrın 15-dən aprelin 15-nə kimi davam edir.

- Bu rayonlarda istilik mövsümü noyabrın 1-dən başlayacaq

Könül
Ölkə.Az