Qorxumdan “Fatihə” oxuyuram - Gəncədəki xəndək qəzası ortaya nələr çıxartdı?!
Bir neçə gün öncə Gəncədə sərnişin avtobusunun aşması ilə baş verən qəza regionlarda köhnə avtobus problemini gündəmə gətirib.
“Ölkə.Az” xəbər verir ki, Gəncə şəhər sakinləri qəzaları həm də marşrut avtobuslarının keyfiyyətinin aşağı olması, istismar müddətini başa vurması ilə əlaqələndirirlər.
Bildirirlər ki, gediş haqqı paytaxt Bakı ilə eyni olsa da, avtobuslar köhnə və yararsız vəziyyətdədir.
“Ölkə.Az” məsələ ilə bağlı Rəqəmsal İnkişaf və Nəqliyyat Nazirliyinin Azərbaycan Yerüstü Nəqliyyat Agentliyinə (AYNA) müraciət edib. Qurumun mətbuat katibi mətbuat katibi Tural Orucov bildirib ki, marşrut xətləri müsabiqə əsasında seçilir:
“Avtobuslar sahibkarlara məxsusdur. Sərnişindaşıma sahəsində göstərilən xidmətin keyfiyyəti, təhlükəsizliyi və rahatlığının artırılması, həmçinin marşrutların təhkim edilməsində şəffaflığın təmin edilməsi məqsədilə şəhərlərarası və şəhərdaxili marşrut xətləri müvafiq qanunvericiliyin tələblərinə uyğun olaraq mərhələli qaydada müsabiqəyə təqdim edilir.
Bu mərhələdə avtobusların əvəzlənməsi müsabiqə yolu ilə mümkündür. Müsabiqələr istiqamətlər üzrə mərhələli şəkildə keçirilir və daha yeni avtobuslara üstünlük verilir. AYNA tərəfindən bu günə kimi ölkə üzrə 164 müsabiqə keçirilib. Gəncə şəhərində də nəqliyyat sahəsi təhlil edilib, burada da müsabiqələrin keçirilməsi planlaşdırılır”.
Qeyd edək ki, bir neçə gün öncə Gəncə şəhərində 1 nömrəli müntəzəm marşurut xətti üzrə hərəkət edən sərnişin avtobusu yoldan çıxaraq bina tikintisi üçün qazılan xəndəyə aşıb.
Sözügedən hadisədən sonra şəhər sakinləri sərnişin daşıma sahəsində mövcud olan problemləri özlərinə məxsus şəkildə ifadə ediblər:
Könül
Ölkə.Az
