Dövlət şirkətində anormal vəziyyət yarandı
Azərbaycan Dövlət Sığorta Kommersiya Şirkətinin (Azərsığorta) mühasibat balansında anormal vəziyyət yaranıb.
“Ölkə.Az”ın məlumatına görə, 2023-cü ilin yanvarın 1-nə olan rəqəmlərə əsasən sığorta şirkətinin öhdəlikləri aktivlərini üstələyib.
Belə ki, şirkətin cəmi aktivləri 15,848 mln manat olduğu təqdirdə, cəmi öhdəlikləri bundan 56% çox – 24,742 mln manat olub.
Buna səbəb 9 mln manat nizamnamə kapitalı olan dövlət şirkətində 22,536 mln manat zərərin yığılması və bu zərərin cəmi kapitalı mənfiyə endirməsi olub. “Azərsığorta”nın sözügedən dövr üçün cəmi zərəri 8,894 mln manatdır.
Qeyd edək ki, şirkətin cəmi aktivləri illik müqayisədə 2,2 dəfə azalaraq 15,848 mln manata, cəmi öhdəlikləri isə 1,8 dəfə azalaraq 24,742 mln manata enib.
Könül
Ölkə.Az
