Mətn ölçüsü:
  • 100%

Azərbaycan Mərkəzi Bankı uçot dərəcəsi ilə bağlı qərar verdi

Azərbaycan Mərkəzi Bankının (AMB) İdarə Heyəti (İH) uçot dərəcəsinin 0,5 faiz bəndi azaldılaraq 9 %-dən 8,5 %-ə endirilməsi barədə qərar qəbul edib.

“Ölkə.az” bu barədə AMB-yə istinadən xəbər verir.

Məlumata görə, faiz dəhlizinin aşağı həddi 0,5 faiz bəndi azaldılaraq 7,5 %-dən 7 %-ə, yuxarı həddi isə 0,5 faiz bəndi azaldılaraq 10 %-dən 9,5 %-ə endirilib.

"Bu qərar inflyasiyaya təsir edən xarici və daxili amillərin dəyişimi, eləcə də valyuta bazarında təklifin tələbi əhəmiyyətli üstələməsi nəzərə alınmaqla verilib", - deyə AMB bəyan edib.

AMB-nin İH-nin faiz dəhlizinin parametrləri barədə növbəti qərarı dekabrın 20-də ictimaiyyətə açıqlanacaq.