Zəfər Günü ilə bağlı hotellər doldu - Qiymətlər pik həddə

Sabahdan Azərbaycanda beş gün ardıcıl iş olmayacaq. İstirahət günlərində regionalara üz tutanların sayı artır ki, bu da hotellərə tələbin yüksəlməsinə səbəb olur.

Otellər və Restoranlar Assosiasiyasının İdarə Heyətinin sədri Samir Dübəndi "Ölkə.Az"a açıqlamasında bildirdi ki, regionlarda yerləşən bir çox hotellər tam dolub:

"Regionlarda fəaliyyət göstərən, yerli və xarici turistlər arasında populyar olan beş ulduzlu hotellərin əksəriyyəti bayram günlərinə satışlarını saxlayıblar. Bu hotelçilikdə "stop sale" adlanır və hotelin tam dolu olduğunu göstərir".

Ekspert deyir ki, adi günlərlə müqayisədə bayram günlərində qiymətlərdə təqribən 25% artım var:

"Adi günlərdə 5 ulduzlu regional hotellərdə qiymətlər 140-250 AZN arası dəyişir. Digər yerləşdirmə vasitələrində bayram günləri qiymətlərinin artımını müşahidə edirik. Ötən il ilə müqayisədə orta seqmentə aid və digər kiçik və orta həcmli yerləşdirmə vasitələrinin təkliflərində təxminən 25℅ artım müşahidə olur". 

"Ümumilikdə, bayram və istirahət günlərində tələb artıqlığı səbəbindən qiymət artımı hotelçilikdə qəbul edilmiş təcrübə hesab edilir", - deyə S. Dübəndizadə əlavə edib.

Könül
Ölkə.Az