DİQQƏT! 50 min manat qalmaqalından sonra yeni şəbəkə qurdular - FOTOLAR

“Pazfarm” zəncirinin yaradıcıları Azərbaycanda yeni piramida təşkilini elan ediblər.

“Ölkə.Az” xəbər verir ki, bunu kibertəhlükəsizlik üzrə eksper Fərid Pərdəşünas deyib. O, yeni platformanın “Future Farm” adlandırıldığını bildirib:

“Akram” adlı şəxs Azərbaycan üzrə kuratordur və təsisçilər platformanı xaricdən idarə edir. Hazırda yeni zəncirə 100-dən çox şəxs qoşulub”.

Ekspert platformanın teleqram qrupundakı rəylərdən bir neçə görüntü bölüşüb:

Qeyd edək ki, bir müddət əvvəl Azərbaycanda yüzlərlə insanın 50 min manata qədər pul yatırdığı “Pazfarm” şəbəkəsinin sahibləri vəsaitləri mənimsəyərək qaçmışdı. Platforma insanlara virtual formada taxıl, kartof, qarğıdalı əkərək zəncir marketinqinə əsaslanan pul qazanmağı vəd edirdi.

Könül
Ölkə.Az