Azərbaycanda inflyasiya necə hesablanır?
Biz inflyasiyanı 538 adda ərzaq və qeyri-ərzaq qiymətləri üzərində müşahidə apararaq qərar qəbul edirik. Bura daxil olan 151 adda ərzaq məhsulları ümumi istehlakın 45.7%-ni təşkil edir. Qeyri-ərzaq məhsullarına isə 274 adda məhsul daxildir.
Ölkə.az xəbər verir ki, bunu Milli Məclisin iqtisadi siyasət, sənaye və sahibkarlıq komitəsinin bu gün keçirilən icalsında Dövlət Statistika Komitəsinin sədr müavini Yusif Yusifov deyib.
O qeyd edib ki, biz məlumatların 30%-ni insan faktoru olmadan iri supermarketlərdən birbaşa alırıq. Alınan məlumatlar bizə inteqrasiya olunur:
“Eyni zamanda biz inflyasiyanı Beynəlxalq Valyuta Fondunun istehlak qiymətləri indeksinin hesablanması əsasında aparırıq”.
