\"Bank of Baku\"nun filialları bağlanır

Maliyyə böhranı ölkədəki banklardan daha birini vurdu.

Ölkə.az xəbər verir ki, ölkənin ən iri kommersiya banklarından biri olan "Bank of Baku"nun paytaxtdakı 3 filialı bağlanır.

Bankdan verilən məlumatda filialların bağlanmasının bankın üzləşdiyi maliyyə-kredit problemi ilə əlaqədar olduğunu bildirilib.

Məlumata görə, bağlanan filiallar Nəsimi rayonu, Rəşid Beybudov küçəsi, 17 ünvanında yerləşən “28 may” filialı, Nizami rayonu, Babək prospekti, 2269-cu məhəllə ünvanında yerləşən “Babək” filialı və Suraxanı rayonu, Yeni Günəşli qəsəbəsinin “D” massivi, Günəşli küçəsində yerləşən “Yeni günəşli” filialıdır.

Məsələ ilə bağlı bankdan verilən rəsmi açıqlamaya görə, bu qərar filial şəbəkəsinin optimallaşdırılması siyasətinə uyğun qəbul olunub.

“Bank of Baku” ASC-nin səhmdarların qəbul olunmuş 3 illik “yeni persperktivlər” planı çərçivəsində bank dayanıqlı gəlirlilik və effektivliyi təmin etmək məqsədilə filial şəbəkəsinin optimallaşdırılması prosesinə başlayıb. Optimizasiya prosesinə görə, müştəri axını az olan, bir-birinə yaxın olan, həcmi kiçik olan bir neçə filialın yaxınlıqda olan daha böyük filiallarla birləşdirilməsi qərarı verillib.

Məlumata əsasən, kiçik həcminə görə işçilərin sayı az olan və bu səbəbdən müştərilərə xidmət operativ aparılmadığına görə tez-tez müştərilərin narazılığına səbəb olan “28 May” filialı yaxınlıqda yerləşən S.Vurğun filialı ilə birləşdirilir.

Eyni zamanda, avtokreditlərin verilməsinə fokuslanan “Babək” filialı bu kreditlərə azalan tələbatı nəzərə almaqla yaxınlıqda olan “Neftçilər” filialı ilə birləşdirilir.

Həmçinin, pilot layihə olaraq yeni açılmış, nəqliyyat yolundan uzaq yerləşdiyinə görə müştəri axını az olan “Yeni Günəşli” filialı isə “Bakıxanov” filialı ilə birləşdiriləcək.

Ölkə.az