SOCAR yarım milyarda kurort inşa edir

Monteneqro sahillərində Portonovi layihəsinin tikintisi ilə məşğul olan Azmont Investments şirkəti, layihə ərazisində yerləşən torpedaların buraxılması üçün nəzərdə tutulan və torpedaların sınağı üçün nəzərdə tutulan bölmələrin söküntüsünə başlayıb.

Xatırladaq ki, müştərək Azərbaycan-Monteneqro şirkəti Kumbor yaşayış məntəqəsində əvvəllər hərbi kazarmaların yerləşdiyi ərazidə irimiqyaslı Portonovi layihəsinin inşasını həyata keçirir. Layihənin tərkibinə “One&Only” şəbəkəsinə aid olan Avropada ilk premium-klass yaşayış kompleksi, yaxtalar üçün liman, eləcə də dəbdəbəli istirahət üçün bütün lazımi infrastrukturlar daxil olacaq.

Layihənin smeta dəyəri yarım milyard avrodan artıqdır. Ümumi sahəsi 250,000 kvadrat metr olan layihəni Azərbaycanın Dövlət Neft Şirkəti (SOCAR) maliyyələşdirir.

Layihənin tərkibinə 120 nömrəsi, fitnes və 3,000 kvadrat metr sahəsi olan Vellnes mərkəzi, konfrans zalı olan “One&Only” eksklüziv oteli, yaxtalar üçün liman, otel tərəfindən xidmət edilən və bütün infrastrukturdan istifadə imkanı olan 500-dən çox dəbdəbəli apartament və villa daxil olacaq.

Bundan başqa, kompleksin ərazisində təzə balığın və mövsüm ərzaqlarının çatdırılacağı ekoloji market təşkil ediləcək.

2017-ci ildə turistik kompleksin birinci hissəsinin istismara verilməsi planlaşdırılır. Bura 250 yaxta üçün nəzərdə tutulan liman və 900 yerlik çimərlik daxildir.

Planlaşdırılmış 500 milyon avro investisiyadan layihəyə artıq 94 milyon avro yatırılıb. 14 turizm və yaşayış obyektinin düşdüyü 30,000 kvadrat metr tikilib.

Kompleksin tam olaraq işə düşməsi 2017-ci ilin sonuna planlaşdırılıb.oxu.az

Ölkə.Az