Bayram tətilində Azərbaycan hotellərinin qiymətləri

Azərbaycanda Yeni il bayramı və Həmrəylik günü ilə bağlı 4 gün iş olmayacaq. Belə ki, 2023-cü il dekabrın 31-i və 2024-cü il yanvarın 1 və 2-i bayram günləri ilə bağlı qeyri-iş günüdür. Dekabrın 31-i bazar gününə təsadüf etdiyindən yanvarın 3-ü də tətil günlərinə daxil edilib.

Elə bu səbəbdən də vətəndaşlar bayramı və istirahət günlərini müxtəlif bölgələrimizdə, xüsusən də hotellərdə keçirməyə can atır.

“Ölkə.Az” bayram ərəfəsində Azərbaycanın müxtəlif rayonlarında fəaliyyət göstərən bir sıra hotellərin qiymətlərini araşdırıb. Həmin qiymətləri təqdim edirik:

Quba Palace Hotel

Hotelin bayram günlərini əhatə edən xüsusi proqramı var. Belə ki, dekabrın 31-i və yanvarın 2-ni əhatə edən 2 gecələmə üzrə 2 nəfərlik nömrələrə 2200-2500 AZN aralığında ödəniş tələb olunur.

Qiymətlərə dekabrın 31-i günorta yeməyi və Qala şam yeməyi, yanvarın 1-də isə səhər yeməyi və şam yeməyi daxildir.

Qalaaltı Hotel & Spa

Dekabrın 31-i və yanvarın 2-i üçün (2 gecə) qiymət 2 nəfərlik superior nömrələr üçün 1400-1420 AZN təşkil edir.

Qiymətlərə gün ərzində 3 dəfə qidalanma, hovuz və SPA xidmətləri, bayram günləri üçün əyləncə proqramı daxildir.

Marxal Resort & Spa

Hotel bayram tətili ərəfəsi üçün 2 gecəlik (31 dekabr – 2 yanvar) xüsusi qiymətlər müəyyən edib. Belə ki, standart eyvansız 2 nəfərlik nömrələr 1450 AZN, eyvanlı nömrələr isə 1490 AZN-ə təklif olunur. Delüks suit otaqların qiyməti isə 1610 AZN, 2 nəfərlik kotteclərin qiyməti 1650 AZN təşkil edir.

Xidmətə səhər yeməyi, gündəlik əyləncə proqramları, Qala gecəsi, SPA xidmətləri daxildir.

Qafqaz Riverside Hotel

Bayram ərəfəsində hoteldə 2 gecələmə üzrə qiymətlər müəyyən olunub. Belə ki, 2 nəfərlik nömrələrin qiyməti 1316 AZN-dən başlayır.

Qiymətlərə səhər yeməyi, SPA xidmətləri, bayram gecəsi üçün nəzərdə tutulmuş qala və şam yeməyi daxildir.

Sakit Göl Hotel

Hotel dekabrın 30-31-i və yanvarın 1-i tarixləri üçün 3 gecə 4 günü əhatə edən proqram nəzərdə tutub.

Bu zaman 2 nəfərlik standart otağın (hotel bina otağı-dağ mənzərə) qiyməti 1450 AZN, delüks otaq (hotel bina otağı-göl mənzərə) 1550 AZN, suit otaq 1700 AZN, 2 nəfərlik kotec 1450 AZN təşkil edir.

Şahdağ Hotel & Spa

Hotel 31 dekabr – 3 yanvar tarixləri üçün 3 gecəlik paket müəyyən edib. Qiymət 2 nəfərlik standart nömrələr üçün 1860 AZN, delüks nömrələr üçün 2820 AZN müəyyən olunub. Qiymətə səhər yeməyi və dekabrın 31-i üçün qala konsert proqramı daxildir.

Şəki Palace Hotel

Hoteldən Yeni il ərəfəsində 2 gecə, 3 gün üçün 2 nəfərlik standart otaqların qiymətinin 560 AZN, 3 gecə, 4 gün üçün 690 AZN olduğu deyildi.

Xidmətə Qala gecəsi, səhər yeməyi və SPA xidmətləri daxildir.

Xəzər Palace Hotel

Bayram günləri üçün hoteldə 2 nəfərlik (1 gecə) standart nömrələr üçün qiymət 150 AZN, delüks nömrələr üçün 180 AZN nəzərdə tutulub. Qiymətlərə səhər yeməyi daxildir.

Lankaran Springs Wellness Resort

31 dekabr və 2 yanvar tarixləri üçün (2 gecəlik) 2 nəfərlik standart nömrə 1399 AZN qiymətlə təklif olunur.

Yeni il proqramına 3 dəfə qidalanma, SPA xidmətləri və Yeni il gecəsi üçün xüsusi şənlik proqramı daxildir.

Basqal Resort & Spa Hotel

Hotel 31 dekabr – 2 yanvar tarixləri (2 gecə) üçün xüsusi paket müəyyən edib. Qiymət 2 nəfərlik standart nömrələr üçün 1640 AZN, superior nömrələr üçün 1680 AZN, delüks nömrələr üçün 1780 AZN müəyyən olunub.

Qiymətə səhər yeməyi, şam yeməyi, Qala gecəsi və SPA xidmətləri daxildir.

Şamaxı Palace Şaradil Hotel

Şamaxı Palace hoteli təmirə bağlandığından bu bayranda qonaq qəbul edilməyəcək.

Könül
Ölkə.Az