Qalmaqallı video yayan fəhlə: tiktok üçün belə etdim
Bakı şəhəri, Nərimanov rayonu, Z.Bünyadov prospekti, 2036-cı məhəllədə "Trvege" MMC tərəfindən inşa edilən yaşayış kompleksi ilə bağlı yayılan görüntülər gündəm olub.
“Ölkə.Az” xəbər verir ki, burada çalışan ustalardan biri tikinti standartlarına əməl olunmaması ilə bağlı video paylaşıb. Bildirilir ki, dəmir-beton mərtəbə örtüyünün qalınlığın 20sm əvəzinə 10sm , örtük tavasının alt və üst torlarına aid armaturların diametri 16mm əvəzinə 8mm-dir.
Sözügedən tikinti obyektində fəhlə kimi çalışan Elşən Eyvazov yenidən açıqlama verərək deyib ki, dəmir-beton mərtəbə örtüyünün qalınlığı faktiki olaraq 17,2 sm, ən kiçik yeri isə 16 sm-dir. Armatur isə 10 mm-likdir.
Həmin şəxs qeyd edir ki, videonu çəkməkdə məqsədi pulunu ala bilmədiyi təqdirdə paylaşmaq olub: “Daha sonra “TikTok”da takibçi yığmaq üçün paylaşdım. Bu qədər şəxsin izləyəcəyini gözləmirdim”.
Könül
Ölkə.Az
