Satınalmalarda iştirak və portaldan istifadə üçün haqlar müəyyənləşib

Nazirlər Kabineti “Dövlət satınalmalarının vahid internet portalından istifadə üçün ödənilən istifadə haqqının və təklifləri təqdim etmək üçün ödənilən iştirak haqqının məbləğləri, ödənilməsi, geri qaytarılması, ödənilmiş vəsaitlərin bölgüsü və onlardan istifadə Qaydaları”nı təsdiqləyib.

Ölkə.az-ın xəbərinə görə, satınalmalarda iştirakla əlaqədar portaldan istifadə etmək üçün təchizatçılar tərəfindən aşağıdakı məbləğlərdə istifadə haqqı ödənilir:

Sıra №-si	İstifadə növü	Məbləğ (manatla)
1	2	3
1.	Birdəfəlik
1.1.	təchizatçı tərəfindən seçilmiş hər hansı bir satınalma üzrə portaldan istifadə haqqı	25

2.	İstifadə müddətinə uyğun
2.1.	30 gün	120
2.2.	90 gün	300
2.3.	180 gün	550
2.4.	365 gün	950

Təchizatçıların uyğunluğunun əvvəlcədən müəyyənləşdirilməsi proseduru, məxfi məlumatlarla əlaqəli satınalma və bir mənbədən satınalma metodu tətbiq edildiyi hallar istisna olmaqla, təchizatçılar tərəfindən təklifləri təqdim etmək üçün aşağıdakı məbləğlərdə iştirak haqqı ödənilir:

Sıra №-si	Ehtimal olunan qiymət aralığı	İştirak haqqının məbləği: bir satınalmada iştiraka görə manatla və ya ehtimal olunan qiymətə görə faizlə
1.	5000 manatadək	10 manat
2.	5000 manatdan 100 000 manatadək	0,2%
3.	100 000 manatdan 200 000 manatadək	250 manat
4.	200 000 manatdan 500 000 manatadək	350 manat
5.	500 000 manatdan 1 000 000 manatadək	450 manat
6.	1 000 000 manatdan 2 000 000 manatadək	600 manat
7.	2 000 000 manatdan 5 000 000 manatadək	1000 manat
8.	5 000 000 manatdan 10 000 000 manatadək	1500 manat
9.	1 000 0000 manatdan yuxarı	0,015% (10 000 manatdan çox olmamaqla)

 

Büdcədənkənar vəsaitin 50 faizi internet portalının istismarı, təkmilləşdirilməsi və saxlanılması ilə bağlı xərclərin ödənilməsi məqsədilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə özəl tərəfdaş arasında bağlanılmış dövlət-özəl tərəfdaşlığı haqqında müqaviləyə əsasən özəl tərəfdaşa ödənilir.

Büdcədənkənar vəsaitin Azərbaycan Respublikası İqtisadiyyat Nazirliyinin işçilərinin sosial müdafiəsinin güclən- dirilməsinə yönəldilən hissəsi aşağıdakı istiqamətlərə xərclənir:

- işçilərin kollektiv və fərdi qaydada mükafatlandırılması;

- işçilərə maddi yardım göstərilməsi.

Büdcədənkənar vəsaitin İqtisadiyyat Nazirliyinin maddi-texniki bazasının yaxşılaşdırılmasına yönəldilən hissəsi aşağıdakı istiqamətlərə xərclənir:

- malların (işlərin və xidmətlərin) alınması;

- qeyri-maliyyə aktivlərinin alınması;

- maddi-texniki bazanın yaxşılaşdırılması istiqamətində digər xərclər.