"Azərbaycana kütləvi axın olacaq, buna ciddi hazılaşmalıyıq"

Bu gün Azərbaycanda 57 min turisti yerləşdirmək imkanı var. Amma COP29 tədbiri çərçivəsində haradasa 150-dən artıq ölkədən 70-80 mindən artıq insanın gələcəyi gözlənilir. Biz buna ciddi hazırlaşmalıyıq".

Ölkə. Az xəbər verir ki, bunu "Turizm.az" şirkətinin təsisçisi Nəsimi Kərəmov forumda çıxışı zamanı deyib.

Onun sözlərinə görə, bu ölkəyə yüz milyonlarla gəlirin gəlməsi deməkdir: "Çünki gələn turist gün ərzində 1000-1500 manat vəsait xərcləyəcək. Tədbirin keçirilməsinə hazırlıq getsə də, buna ciddi hazırlaşmalı və qalma yerlərinin artırılmasına və yüksək keyfiyyətli xidmətə çalışmalıyıq. Onu da diqqətə çatdırmaq istəyirəm ki, bu, növbəti mötəbər tədbirlərin ölkəmizdə keçirilməsinə imkanlar yaradacaq", - o qeyd edib.

Ölkə.Az