Mənzil alqı-satqısında yeni tələb: əmlak bazarı çökür? - AÇIQLAMA

Bakı şəhəri 4 saylı notariat ofisinin əməkdaşı Nəsimi Kərimov “Ölkə.Az”a açıqlamasında bildirdi ki, həmin şəxslərdən gəlir deklorasiyası tələb edilmir: “Daşınmaz əmlakın alqı-satqısı zamanı gəlir və əmlakın əldə olunma mənbələri ilə bağlı sənədlər tələb olunmur. Bununla bağlı şifahi suallar verilir və qeydlər aparılır. Həmin məlumatlar Maliyyə Monitorinq Xidmətinə göndərilir. Bu xidmət isə oğurluq, cinayət, çirkli pulların yuyulması yolu ilə əldə olunmuş əmlakları müəyyən edir”.

Notarius sözügedən prosedurun sistematik olaraq bu ildən tətbiq olunduğunu desə də, şübhəli əməliyyatlar barədə Maliyyə Monitorinq Xidmətinə daha əvvəl də məlumat verildiyini də əlavə edib.

İqtisadçı ekspert Xalid Kərimli “Ölkə.Az”a açıqlamsında bildirdi ki, sözügedən sorğu heç bir əhəmiyyət daşımır: “Bu, daşınmaz əmlak bazraında əməliyyatların sayına və qiymətlərə heç bir təsir göstərməyəcək. Çünki prosedur simvolik olaraq keçirilir: sənədlər və alınmış məlumatların mənbəyi yoxlanılmır, təsdiqedici sənədlər dəqiq şəkidə tələb olunmur”.  

Ekspertin sözlərinə görə, vətəndaşlar ölkənin daha da şəffaflaşdığını nəzərə alaraq gəlir mənbələrinin rəsmi olmasına diqqət etməli, gəlir mənbələri ilə bağlı sənədləri qorumalıdırlar: “Çünki bu cür sənədlər getdikcə daha çox soruşulacaq. Bu, qərb ölkələrində uzun müddətdir tətbiq olunur. Buna görə də, gəlirlərin rəsmiləşdirilməsi, vergilərin ödənilməsinə diqqət edilməlidir”.

Könül
Ölkə.Az