“iPhone 16 Pro Max” belə olacaq - Ortaya çıxdı
Bu ilin sentyabr ayında satışa çıxarılacaq "iPhone 16" seriyası ilə bağlı bəzi məlumatlar ortaya çıxıb.
"Ölkə.Az" xarici mətbuata istiadən xəbər verir ki, "iPhone 16 Pro Max" xüsusiyyətləri mediaya sızıb.
Məlumatlara əsasən, "iPhone 16 Pro Max" 6,9 düymlük OLED ekranla təqdim ediləcək. 120 Hz yeniləmə sürəti ilə dəstəklənəcək bu ekran maksimum 2000 nit parlaqlıq təqdim edəcək və ön hissənin 89,75 faizini əhatə edəcək.
"Apple A18 Pro" prosessoru ilə təchiz ediləcək "iPhone 16 Pro Max" 8 GB RAM və minimum 256 GB yaddaş sahəsinə malik olacaq. Smartfonun ön tərəfində 12 meqapiksellik təsvir ölçülü selfi kamerası, arxa korpusda isə üçlü quraşdırma yer alacaq. Bu quraşdırma OIS dəstəyi ilə 48 meqapiksellik əsas kamera, 48 meqapiksellik ultra geniş bucaqlı kamera, 12 meqapiksellik telefoto obyektivdən ibarət olacaq.
USB-C portu olacaq "iPhone 16 Pro Max" modelinin əlaqə xüsusiyyətləri 5G, Wi-Fi 6, Wi-Fi 6E, Wi-Fi 7, Wi-Fi Direct, Bluetooth 5.4 və NFC olacaq. ESIM dəstəyinin olacağı da sızan məlumatlar arasındadır.
Könül
Ölkə.Az
