“Azərişıq” “ASAN Xidmət” vasitəsilə edilən müraciətlərin sayını açıqlandı

“Azərişıq” ASC göstərdiyi 17 adda xidmətdən 15 xidmət üzrə e-gov.az və ya e-service.azerishiq.az portalı vasitəsilə müraciət etmək imkanı yaradıb.

“Ölkə.Az” xəbər verir ki, bunu “ASAN xidmətl”ə İş departamentinin direktor müavini İnam Yusifov deyib. O bildirib ki, Dövlət Xidmətlərinin Elektron Reyestrinə (DXR) daxil edilmiş xidmətlərin 2023-cü il üzrə xidmət səviyyəsinin ölçülməsi, məlumatların toplanılmasını, yoxlanılmasını, təhlilini və qiymətləndirilməsini aparmaq üçün “ASAN xidmət indeksi”ni təşkil edən 155 adda meyarlar və altmeyarlar üzrə ümumilikdə 1395 sorğu cavablandırılıb, əsaslandırıcı sənədlər təqdim olunub: “Azərişıq” ASC “ASAN xidmət indeksi”nin qiymətləndirməsi üzrə 98,31% ilə 5 ulduzluq nəticə əldə edib”.

Qurum nümayəndəsi bildirib ki, ötən il ərzində “ASAN Xidmət”lə İş Departamenti tərəfindən ümumilikdə 323601 müraciət qəbul olunub: 

“Müraciətlərin 8314 ədədi elektron şəkildə, 315287 ədədi isə xidmət mərkəzlərində qəbul olunub. Sahibkarlıq subyektlərinin enerji təchizatı şəbəkəsinə qoşulması üzrə 7985 müraciətdən 3930 müraciət elektron şəkildə qəbul olunub ki, bu da ortalama 49% elektron müraciət deməkdir. Ümumilikdə məlumat olaraq bildirim ki, görülmüş tədbirlər nəticəsində 2023-cü ilin son 3 rübü ərzində sahibkarlıq subyektlərinin elektron müraciətlərinin sayı ümumi müraciətlərin 50%-dan artığını təşkil edir. Enerji təchizatı şəbəkəsinə qoşulma xidmət üzrə 2023-cü ildə Bakı, Regional ASAN xidmət və ASAN Kommunal mərkəzləri üzrə abonentlər 299695 kVt enerji gücü ilə təmin olunub. Təmin olunan gücün 54,6%-i Bakı RETSİ-nin, 45,4%-ı isə regionların payına düşür”.

Könül
Ölkə.Az