“Nestle”nin satışları yüksək qiymətlərlə bağlı azalıb
Mərkəzi İsveçrədə yerləşən qida şirkəti “Nestle”nin satışları yüksək ərzaq qiymətlərinin təsiri ilə azalıb.
“Ölkə.Az” xəbər verir ki, ötən il şirkətin satışları 1,5% azalaraq 106,2 milyard dollara düşüb.
Xalis mənfəəti isə əvvəlki illə müqayisədə 20% artaraq 12,8 milyard ABŞ dollarına çatıb. Buna əsas vəsaitlər üzrə aşağı qiymətləndirmələr və vergilər səbəb olub.
“Nestle”nin məzənnə təsirləri və alışlar nəzərə alınmadan satışları ötən il 7,2% artıb.
Hesabatlar açıqlandıqdan sonra “Nestle”nin səhmləri səhər saatlarında 3,2%-dən çox ucuzlaşıb.
Qeyd edək ki, qablaşdırılmış qida məhsulları sənayesi Covid-19 epidemiyası ilə başlayan və Ukrayna-Rusiya müharibəsi ilə artan yüksək idxal xərclərini əsas gətirərək istehlakçılara daha yüksək qiymətlər tətbiq edirlər.
Könül
Ölkə.Az
