“X” “WhatsApp”la oxşar funksiyasını aktiv edir

Ötən il istifadəçilərinə "FaceTime" və "WhatsApp" kimi səsli və video zənglər etməyə imkan verən funksiyanı təqdim edən "X" platforması yenilik edir.

"Ölkə.Az" xəbər verir ki, premium abunəçilərlə məhdudlaşan bu funksiyadan standart istifadəçilər də yararlana biləcək.

"X" platformasının mühəndisi Enrike Barraqanın paylaşdığı məlumata görə, "X" tədricən premiuma abunə olmayanlara səsli və görüntülü zəng funksiyaları təqdim etməyə başlayıb. Bu funksiya birbaşa mesaj qutusunda yerləşir və "WhatsApp" və "Instagram" kimi zəngləri dəstəkləyən digər proqramlarla eyni şəkildə işləyir.

Yenilik bir sıra mübahisələrə də səbəb olub. Belə ki, bəzi istifadəçilər tanımadıqları insanlardan zəng qəbul etmək istəmədiklərini bildirir.

Bildirilir ki, istifadəçilər kimin onlara zəng edə biləcəyini idarə edə və hətta zəng funksiyasını söndürə bilər.

Könül
Ölkə.Az