Manatın taleyi ilə bağlı bu addım atılmalıdır - AÇIQLAMA
Manatın taleyi ilə bağlı Mərkəzi Bankın verbal intervensiyasına ehtiyac var.
"Ölkə.Az" xəbər verir ki, bunu iqtisadçı ekspert Eldəniz Əmirov deyib. O bildirib ki, dollara tələbin artması təkcə manata olan təzyiqi artırmaqla bitmir, iqtisadi aktivliyi aşağı salır:
"Sadə dildə desək, insanlar devalvasiya təhlükəsi hiss etdiyi üçün xərcləməli olduqları pulu xərcləmir, dollara çevirib saxlamağa üstünlük verirlər. Hələ üstəgəl manatla olan əmanətlərini də dollara çevirməyə çalışırlar. Bu zəncirvari şəkildə dollar tələbini artırır, manatı sıxır, aktivliyi öldürür".
Ekspert deyir ki, bu durum iqtisadiyyatın bir çox sektorlarına ciddi mənfi təsir edir:
"Buna görə də, əgər 2024-cü ildə devalivasiyanın olmayacağına dair Mərkəzi Bankda əminlik varsa, o zaman bir yumşaq verbal intervensiya ilə psixoloji gərginliyi azalda bilər", - deyə E. Əmirov əlavə edib.
Könül
Ölkə.Az
